Accueil du forum >> Nostradamus Centurie VI

centurie6 le 26-02-05 00h07

VERSETS CENTURIE VI

VI,1
Autour des monts Pyrennees grans amas
De gent estrange secourir Roy nouveau
Pres de Garonne du grand temple du Mas,
Un Romain chef le craindra dedans l´eau

VI,2
En l´an cinq cens octante plus & moins,
On atteindra le siecle bien estrange :
En l´an sept cens & trois cieux en temoings,
Que plusieurs regnes un a cinq feront change.

VI,3
Fleuve qu´esprouve le nouveau nay Celtique,
Sera en grande de l´Empire discorde :
Le ieune Prince par gent Ecclesiastique,
Ostera le sceptre coronal de concorde.

VI,4
Le Celtiq fleuve changera de rivage,
Plus ne tiendra la cité d´Agrippine,
Tout transmué ormis le vieil language,
Saturne, Leo, Mars, Cancer en rapine.

VI,5
Si grand famine par un de pestifere,
Par pluye longue le long du polle artique,
Samatobryn cent lieux de l´hemisphere,
Vivront sans loy exempt de pollitique.

VI,6
Apparoistra vers le Septentrion,
Non loing de Cancer l´estoille chevelue,
Suze, Sienne, Boëce, Eretrion,
Mourra de Rome grand la nuit disparuë.

VI,7
Norneigre et Dace, et l´isle Britannique,
Par les unis freres seront vexes,
Le chef Romain issu de sang Gallique
Et les copies aux forests repoulsees.

VI,8
Ceux qui estoient en regne pour sçavoir,
Au Royal change deviendront apovris :
Uns exilez sans appuy, or n´avoir,
Lettrez & lettres ne seront a grand pris.

VI,9
Aux temples saincts seront faicts escandales,
Comptez seront par honneurs & loüanges,
D´un que on grave d´argent, d´or les medalles
La fin sera en tourmens bien estranges.

VI,10
Un peu de temps les temples des couleurs
De blanc & noir les deux entremeslee :
Rouges & iaunes leur emblemeront les leurs,
Sang, terre, peste, feu d´eau affollee.

VI,11
Des sept rameaux a trois seront réduicts,
Les plus aisnez seront surprins par mort,
Fraticidez les deux seront seduicts,
Les coniurez en dormans seront morts.

VI,12
Dresser copies pour monter a l´Empire,
Du Vatican le sang Royal tiendra :
Flamans, Anglois, Espagne avec Aspire,
Contre l´Italie & France contendra.

VI,13
Un dubieux ne viendra loing du regne,
La plus grand part le voudra soustenir,
Un capitole ne voudra point qu´il regne,
Sa grande charge ne pourra maintenir.

VI,14
Loing de sa terre Roy perdra la bataille,
Prompt eschappé poursuivy suivant prins,
Ignare prins sous la dorée maille,
Soubs fainct habit & l´ennemy surprins.

VI,15
Dessoubs la tombe sera trouvé le Prince,
Qu´aura le pris par dessus Nuremberg,
L´Espaignol Roy en Capricorne mince
Fainct & trahy par le grand Vuitemberg.

VI,16
Ce que ravy sera du ieune Milve,
Par les Normans de France & Picardie,
Les noirs du temple du lieu de Negrisilve,
Feront aulberge & feu de Lombardie.

VI,17
Apres les limes brulez les aisniers,
Contraints seront changer habits divers,
Les Saturnins bruslez par les meusniers,
Hors la pluspart qui ne sera couvers.

VI,18
Par les Phisiques le grand Roy delaissé,
Par sort non art de l´Ebrien est en vie,
Luy & son genre au regne hault poussé,
Grace donnee a gent qui Christ envie.

VI,19
La vraye flamme engloutira la Dame,
Que voudra mettre les Inocens a feu,
Pres de l´assaut l´exercite s´enflamme,
Quant dans Séville monstre en boeuf sera veu.

VI,20
L´union faincte sera peu de durée,
Des uns changez reformez la pluspart,
Dans les vaisseaux sera gent enduree,
Lors aura Rome un nouveau liepart.

VI,21
Quand ceux du polle artiq unis ensemble,
En Orient grand effrayeur & crainte,
Esleu nouveau, soustenu le grand tremble.
Rodes, Bisance de sang Barbare taincte.

VI,22
Dedans la terre du grand temple Celtique,
Neveu a Londres par paix faincte meurtry,
La barque alors deviendra scismatique,
Liberté faincte sera au corn & cry.

VI,23
D´esprit de regne nusnimes descriées,
Et seront peuples esmeuz contre leur Roy,
Paix faict nouveau, saintes loix empirees,
Rapis onc fut en si tres dur arroys.

VI,24
Mars & le sceptre se trouvera conjoinct,
Dessoubs Cancer calamiteuse guerre,
Un peu apres sera nouveau Roy oingt,
Qui par longtemps pacifiera la terre

VI,25
Par Mars contraire la monarchie,
Du grand pescheur en trouble ruyneux,
Ieune roy rouge prendra la hierarchie.
Les proditeurs iront iour bruyneux

VI,26
Quatre ans le siege quelque peu bien tiendra,
Un surviendra libidineux de vie,
Ravenne & Pyse, Veronne soustiendront,
Pour eslever la croix de Pape envie.

VI,27
Dedans les Iles de cinq fleuves a un,
Par le croissant du grand Chyren Selin,
Par les bruynes de l´air fureur de l´un,
Six eschapez, cachez fardeau de lyn.

VI,28
Le grand Celtique entrera dedans Rome,
Menant amas d´exilez et bannis :
Le grand pasteur mettra a mort tout homme
Qui pour le Coq estoyent aux Alpes unis.

VI,29
La vefve sainte entendant les nouvelles,
De ses rameaux mis en perplex & trouble :
Qui sera duict apaiser les querelles,
Par son pourchas des razes sera comble

VI,30
Par l´apparence de saincte saincteté,
Sera trahy aux ennemis le siege :
Nuict qu´on croira dormir en seureté,
Pres de Braban marcheront ceux de Liege.

VI,31
Roy trouvera ce qu´il desiroit tant,
Quand le Prelat sera reprins a tort :
Responce au Duc le rendra mal content,
Qui dans Milan mettra plusieurs a mort.

VI,32
Par trahison de verges a mort battu,
Prins surmonté sera par son desordre,
Conseil frivole au grand captif sentu,
Nez par fureur quand Berich viendra mordre.

VI,33
Sa main derniere par Alus sanguinaire,
Ne se pourra par la mer guarentir :
Entre deux fleuves craindre main militaire,
Le noir l´ireux le fera repentir.

VI,34
De feu volant la machination,
Viendra troubler au grand chef assiegez :
Dedans sera telle sedition,
Qu´en desespoir seront les profligez.

VI,35
Pres de Rion, & proche a blanche laine,
Aries, Taurus, Cancer, Léo, la Vierge,
Mars, Iupiter, le Sol ardra grand plaine,
Bois & citez lettres cachez au cierge.

VI,36
Ne bien ne mal par bataille terrestre,
Ne parviendra aux confins de Perouse :
Rebelle Pise, Florence voit mal estre,
Roy nuict blessé sur mulet a noire house

VI,37
L´oeuvre ancienne se parachevera,
Du toict chera sur le grand mal ruyne :
Inocents faict mort on accusera,
Nocent caché, taillis a la bruyne.

VI,38
Aux profligez de paix les ennemis,
Apres avoir l´Italie superee,
Noir sanguinaire, rouge sera commis,
Feu, sang, verser, eau de sang colorée.

VI,39
L´enfant du regne par paternelle prinse,
Explolier sera pour delivrer,
Aupres du lac Trasimen l´azur prinse,
La troupe hostage par trop fort s´enyvrer.

VI,40
Grand de Magonce pour grande soif estaindre,
Sera privé de sa grand´dignité :
Ceux de Cologne si fort se viendront plaindre,
Que le grand groppe au Rhin sera ietté.

VI,41
Le second chef du regne d´Annemarc,
Par ceux de Frize & l´Isle Britanique,
Fera despendre plus de cent mille marc,
Vain esploicter voyage en Italique.

VI,42
A Logmyon sera laissé le regne,
Du grand Selin, qui plus fera le faict :
Par les Itales estendra son enseigne,
Regi sera par prudent contrefaict.

VI,43
Long temps sera sans estre habitee,
Où Signe & Marne autour vient arrouser :
De la Tamise & martiaux tentee,
Deceus les gardes en cuidant repousser.

VI,44
De nuit par Nante Lyris apparoistra,
Des arts marins suciteront la pluye :
Arabiq goulfre grand classe parfondra,
Un monstre en Saxe naistra d´ours & truye.

VI,45
Le gouverneur du regne bien sçavant,
Ne consentir voulant au faict Royal :
Mellile classe par le contraire vent
Le remettra a son plus desloial.

VI,46
Un juste sera en exil renvoyé,
Par pestilence aux confins de Nonseggle,
Response au rouge le fera desvoyé,
Roy retirant a la Rane & a l´Aigle.

VI,47
Entre deux monts les deux grands assemblez
Delaisseront leur simulté secrette,
Brucelle & Dolle par Langres accablez,
Pour a Malignes executer leur peste.

VI,48
La sainteté trop faincte & seductive,
Accompagné d´une langue discrete :
La cité vieille, & Parme trop hastive,
Florence & Sienne rendront plus deserte.

VI,49
De la patrie de Mammer grand Pontife,
Subiuguera les confins du Danube :
Chasser les croix, par fer raffe ne riffe,
Captifs, or, bagues plus de cent milles rubes.

VI,50
Dedans le puys seront trouvez lez os,
Sera l´inceste commis par la maratre:
L´estat changé on querre bruit & los,
Et aura Mars attendant pour son Astre.

VI,51
Peuple assemblé, voir nouveau expectacle,
Princes & Roys par plusieurs assistans,
Pilliers faillir, murs, mais comme miracle
Le Roy sauvé & trente des instants.

VI,52
En lieu du grand qui sera condamné,
De prison hors, son amy en sa place :
L´espoir Troyen en six mois ioins mort né,
Le Sol a l´urne seront peins fleuve en glace.

VI,53
Le grand Prelat Celtique a Roy suspect,
De nuit par cours sortira hors du regne :
Par Duc fertile a son grand Roy Bretaigne,
Bisance a Cypres & Tunes insuspect .

VI,54
Au poinct du iour au second chant du coq,
Ceux de Tunes, de Fez & de Begie,
Par les Arabes captifs le Roy Maroq,
L´an mil six cent & sept, de liturgie.

VI,55
Au chalmé Duc, en arrachant l´esponce ,
Voile Arabesque voir, subit descouverte :
Tripolis, Chio, & ceux de Trapesonce,
Duc prins, Marnegro & la cité deserte.

VI,56
La crainte armee de l´ennemy Narbon,
Effrayera si fort les Hesperiques :
Parpigan vuide par l´aveugle darbon,
Lors Barcelon par mer donra les piques.

VI,57
Celui qu´estoit bien avant dans le regne,
Ayant chef rouge proche a la hierarchie,
Aspre & cruel, & se fera tant craindre,
Succedera a sacrée monarchie.

VI,58
Entre les deux monarques esloignez,
Lorsque le Sol par Selin clair perdue,
Simulé grande entre deux indignez,
Qu´aux Isles & Sienne la liberté rendue.

VI,59
Dame en fureur par rage d´adultere,
Viendra a son Prince coniurer non de dire:
Mais bref cogneu sera le vitupere,
Que seront mis dix sept a martyre.

VI,60
Le prince hors de son terroir Celtique,
Sera trahy, deceu par interprete :
Rouan, Rochelle par ceux de l´Armorique
Au port de Blaue deceus par moyen & prestre.

VI,61
Le grand tappis plié ne monstrera,
Fors qu´a demy la pluspart de l´histoire :
Chassé du regne loin aspre apparoistra,
Qu´au faict bellique chacun le viendra croire.

VI,62
Trop tard tous deux les fleurs seront perdües,
Contre la loy serpent ne voudra faire :
Des Ligueurs forces par gallots confondües,
Savonne, Albingue par monech grand martyre

VI,63
La Dame seule au regne demeuree,
L´unic estaints premier au lict d´honneur,
Sept ans sera de douleur explorée,
Puis longue vie au regne par grand heur.

VI,64
On ne tiendra pache d´aucun arresté,
Tous recevans iront par tromperie,
De paix & tresve, terre & mer protesté,
Par Barcelone classe prins l´industrie.

VI,65
Gris & bureau demie ouverte guerre,
De nuict seront assaillis & pillez,
Le bureau prins passera par la serre,
Son temple ouvert, deux au plastre grillez.

VI,66
Au fondement de la nouvelle secte,
Seront les os du grand Romain trouvez,
Sepulchre en marbre apparoistra couverte,
Terre trembler en Auril, mal enfoüez.

VI,67
Au grand Empire parviendra tost un autre
Bonté distant plus de félicité :
Regi par un yssu non loing de peautre,
Corruer regnes grande infelicité.

VI,68
Lors que soldats fureur seditieuse,
Contre leur chef seront de nuict fer luire :
Ennemy d´Albe soit par main furieuse,
Lors vexer Rome, & principaux seduire

VI,69
La pitié grande sera sans loin tarder,
Ceux qui donnoient seront contraints de prendre :
Nuds, affamez de froid, soif, soy bander,
Les monts passer commettant grand esclandre.

VI,70
Au chef du monde le grand Chyren sera,
Plus outre apres aymé, craint, redouté :
Son bruit & lors les cieux surpassera,
Et du seul tiltre victeur fort contenté

VI,71
Quand on viendra le grand Roy parenter
Avant qu´il ai du tout l´âme renduë :
Celuy qui moins le viendra lamenter,
Par Lyons, d´Aigles, croix, couronne venduë.

VI,72
Par fureur faincte d´esmotion divine
Sera la femme du grand fort violee :
Iuges voulants damner telle doctrine,
Victime au peuple ignorant immolee.

VI,73
En cité grande un moyne & artisan
Pres de la porte logez aux murailles,
Contre Moderne secret, cave disant,
Trahis faire sous couleur d´espousailles.

VI,74
La dechassee au regne tournera,
Ses ennemis trouvez des conjurez :
Plus que iamais son temps triomphera,
Trois et septante a mort trop asseurez.

VI,75
Le grand pilot par Roy sera mandé
Laisser la classe pour plus haut lieu attaindre :
Sept ans apres sera contrebandé,
Barbare armée viendra Venise craindre.

VI,76
La cité antique d´Antenoree forge,
Plus ne pouvant le tyran supporter :
Le manche fainct au temple couper gorge,
Les siens le peuple a mort viendra bouter.

VI,77
Par la victoire du deceu fraudulente,
Deux classes une, la revolte Germaine,
Le chef meurtry & son fils dans la tente,
Florence, Imole pourchassez dans Romaine.

VI,78
Crier victoire du grand Selin croissant,
Par les Romains sera l´Aigle clamé,
Ticcin, Milan & Gennes y consent,
Puis par eux mesmes Basil grand reclamé.

VI,79
Pres de Tesin les habitants de Loyre,
Garonne & Saone, Seine, Tarn & Gironde,
Outre les monts dresseront promontoire,
Conflit donné, Pau granci, submergé onde.

VI,80
De Fez le regne parviendra a ceux d´Europe,
Feu leur cité, & lame trenchera :
Le grand d´Asie terre & mer a grand troupe,
Que bleux, pers, croix, a mort déchassera.

VI,81
Pleur, cris, plaints, hurlemens, effrayeur,
Coeur inhumain, cruel, noir & transy :
Leman, les Isles, de Gennes les maieurs
Sang espancher, frofaim, a nul mercy.

VI,82
Par les deserts de lieu libre & farouche,
Viendra errer neveu du grand Pontife :
Assomé a sept avecques lourde souche,
Par ceux qu´apres occuperont le Cyphe.

VI,83
Celuy qu´aura tant d´honneurs & caresses
A son entrée de la Gaule Belgique,
Un temps apres fera tant de rudesses,
Et sera contre a la fleur tant bellique.

VI,84
Celui qu´en Sparthe Claude ne peut regner,
Il fera tant par voie Séductive :
Que du court, long, le fera araigner,
Que contre Roy fera sa perpective.

VI,85
La grande cité de Tharse par Gaulois
Sera destruite, captifs tous a Turban :
Secours par mer du grand Portugalois,
Premier d´esté le iour du sacre Urban.

VI,86
Le grand prelat un iour apres son songe
Interpreté au rebours de son sens,
De la Gascongne luy surviendra un monge
Qui fera eslire le grand Prelat de Sens.

VI,87
L´Election faicte dans Franckfort,
N´aura nul lieu, Milan s´opposera :
Le sien plus proche semblera si grand fort,
Qu´autre le Rhin és mareschs cassera.

VI,88
Un regne grand demoura desolé,
Aupres de l´Hebro se seront Assemblees :
Monts Pyrenees le rendront consolé,
Lors que dans May seront terres tremblees.

VI,89
Entre deux cymbes pieds et mains attachez,
De miel face oingt, & laict substanté :
Guespes & mouches fitines amour fachez,
Poccilateurs faucer, Cyphe tenté.

VI,90
L´honnissement puant abominable
Apres le faict sera félicité :
Grand excusé pour n´estre favorable,
Qu´a paix Neptune ne sera incité.

VI,91
Du conducteur de la guerre navale,
Rouge effrené, severe, horrible grippe,
Captifs eschappé de l´aisné dans la baste :
Quand il naitra du grand un fils Agrippe.

VI,92
Prince de beauté tant venuste,
Au chef menee, le second faict trahy :
La cité au glaive de poudre face aduste,
Par trop grand meurtre le chef du Roy hay.

VI,93
Prélat avare d´ambition trompé
Rien ne sera que trop viendra cuider :
Ses messagers, & luy bien attrapé,
Tout au rebours voir qui le bois fendroit.

VI,94
Un Roy iré sera aux sédifragues,
Quand interdit seront harnois de guerre :
La poison taincte au sucre par le fragues
Par eaux meurtris, morts disant serre serre.

VI,95
Par détracteur calomnié le puis nay,
Quand seront faits enormes & martiaux :
La moindre part dubieuse a l´aisnay,
Et tost au regne seront faicts partiaux.

VI,96
Grande cité a soldats abandonnee,
Onc n´y eut mortel tumult si proche:
O quelle hideuse mortalité s´approche,
Fors une offense n´y sera pardonnee.

VI,97
Cinq et quarante degrez ciel brulera
Feu approcher de la grand´cité neuve,
Instant grand flamme eparse sautera
Quand on voudra les Normans faire preuve.

VI, 98
Ruyné aux Volsques de peur si fort terrible,
Leur grand cité taincte, fait pestilent :
Piller Sol, Lune, & violer leurs temples:
Et les deux fleuves rougir de sang coulant

VI,99
L´ennemy docte se tournera confus,
Grand camp malade, & de faicts par embusches :
Monts Pyrenées & Poenus luy seront faicts refus
Proche du fleuve decouvrant antiques cruches.

Legis cantio contra ineptos criticos.

Qui legent hosce versu, mature censunto
Profanum vulgus et inscium ne attrectato :
Omnesque Astrologi, Blenni, Barbari procul sunto
Qui aliter facit, is rite sacer esto.

VI,100
Fille de l´Aure, asyle du mal sain
Où iusqu´au ciel se voit l´amphiteatre:
Prodige veu, ton mal est fort prochain,
Sera captive, & des fois plus de quatre.