Accueil du forum >> Nostradamus Centurie VII

VII_1605 le 26-02-05 13h51

Centurie VII (1605)

Autres quatains tirez de 12, soubz la centurie septiesme : dont ont esté reiectez 8 qui se sont trouvez és centuries precedentes

VII,73
Renfort de sieges manubis & maniples
Changez le sacre & passe sur le prosne,
Prins et captifs n'arreste les prez triples
Plus par fonds mis eslevé, mis au trosne.

VII,80
L'occident libre les Isles britaniques
le recogneu passer le bas, puis haut
Ne content triste Rebel corss. Escotiques
Puis rebeller par plus & par nuict chaut.

VII,82
Le stratageme simulte sera rare
La mort en voye rebelle par contrée :
Par le retour du voyage Barbare
Exalteront la protestante entrée.

VII,83
Vent chaud, conseil pleurs, timidité,
De nuict assailly sans les armes :
D'oppression grande calamité,
L'épithalame converty pleurs & larmes.

VII,43
Lors qu'on verra les deux licornes
L'une baissant, l'autre abaissant,
Minde au milieu, pilier aux bornes
S'en fuira le neveu en riant.

VII,44
Alors qu'un bour sera for bon
Portant en soy les marques de iustice,
De son sang lors portant son nom
Par fuite iniuste recevra son supplice.

centurie7 le 26-02-05 00h07

VERSETS CENTURIE VII

VII,1
L´arc du tresor par Achilles deceu,
Aux procrez sceu la quadrangulaire :
Au faict Royal le comment sera sceu,
Corps veu pendu au veu du populaire.

VII,2
Par Mars ouvert Arles le donra guerre
De nuict seront les soldats estonnez :
Noir, blanc a l´inde dissimulez en terre,
Sous la fainte ombre traistres verrez & sonnez.

VII,3
Apres la France la victoire navale,
Les Barchinons, Saillinons, les Phocens,
Lierre d´or, l´enclume serré dedans la balle,
Ceux de Ptolon au fraud seront consens.

VII,4
Le Duc de Langres assiegé dedans Dolle,
Accompagné d´Ostun & Lyonnois :
Geneve, Ausbourg, ioinct ceux de Mirandole,
Passer les monts contre les Anconnois.

VII,5
Vin sur la table en sera respandu,
Le tiers n´aura celle qu´il prétendoit :
Deux fois du noir de Parme descendu,
Perouse a Pize fera ce qu´il cuidoit.

VII,6
Naples, Palerme & toute la Cecile,
Par main barbare sera inhabitée,
Corsicque, Salerne & de Sardeigne l´Isle,
Faim, peste, guerre, fin de maux intentée.

VII,7
Sur le combat des grands chevaux legers,
On criera le grand croissant confond :
De nuict tuer monts, habits de bergers,
Abismes rouges dans le fossé profond.

VII,8
Flora, fuis, fuis le plus proche Romain,
Au Fesulan sera confict donné :
Sang espandu, les plus grands prins a main,
Temple ne sexe ne sera pardonné.

VII,9
Dame a l´absence de son grand capitaine,
Sera priée d´amour du Viceroy,
Fainte promesse & malheureuse estreine,
Entre les mains du grand Prince Barois.

VII,10
Par le grand Prince limitrophe du Mans,
Preux & vaillant chef du grand exercite :
Par mer & terre de Gallots & Normands,
Caspre passer Barcelone pillé Isle.

VII,11
L´enfant Royal contemnera la mere,
Oeil, pieds blessez, rude, inobeissant,
Nouvelle a dame estrange & bien amere,
Seront tuez des siens plus de cinq cens.

VII,12
Le grand puinay fera fin de la guerre,
Aux Dieux assemble les excusez :
Cahors, Moissac iront loing de la serre,
Refus Lestore, les Angenois rasez.

VII,13
De la cité marine et tributaire
La teste raze prendra la Satrapie :
Chassez sordide qui puis sera contraire,
Par quatorze ans tiendra la tyranie.

VII,14
Faux exposer viendra topographie,
Seront les cruches des monuments ouvertes :
Pulluler secte, saincte philosophie,
Pour blanches, noires & antiques vertes.

VII,15
Devant cité de l´Insubre contree,
Sept ans sera le siege devant mis :
Le tres grand Roy y fera son entree,
Cité puis libre hors de ses ennemis.

VII,16
Entree profonde par la grande Royne faicte
Rendra le lieu puissant inaccessible :
L´armée des trois Lyons sera deffaite
Faisant dedans cas hideux & terrible.

VII,17
Le prince rare de pitié et clemence
Viendra changer par mort grand cognoissance
Par grand repos le reigne travaillé,
Lors que le grand tost sera estrillé.

VII,18
Les assiegez couloureront leurs paches,
Sept iours apres feront cruelle issuë,
Dans repoulsez, feu sang. Sept mis a l´hache
Dame captive qu´avoit la paix tissuë.

VII,19
Le fort Nice ne sera combattu,
Vaincu sera par rutilant metal,
Son faict sera un long temps debattu,
Aux citadins estrange espouvantal.

VII,20
Ambassadeur de la Toscane langue,
Avril & May Alpes & mer passee,
Celuy de veau exposera l´harangue,
Vie Gauloise ne venant effacer.

VII,21
Par pestilente inimitié Volsicque,
Dissimulee chassera le tyran,
Au pont de Sorgues se fera le traffique
De mettre a mort luy & son adhérant.

VII,22
Les citoyens de Mesopotamie
Irez encontre amis de Tarraconne,
Ieux, rits, banquets, toute gens endormie
Vicaire au Rosne, prins cité, ceux d´Ausone.

VII,23
Le Royal sceptre sera contrainct de prendre
Ce que ses predecesseurs avoyent engagé,
Puis que l´anneau on fera mal entendre,
Lors qu´on viendra le palais saccager.

VII,24
L´ensevely sortira du tombeau,
Fera de chaines lier le fort du pont,
Empoisonné avec oeufs de Barbeau,
Grand de Lorraine par le Marquis du Pont.

VII,25
Par guerre longue tout l´exercice expuiser,
Que pour soldats ne trouveront pecune,
Lieu d´or, d´argent, cuir on viendra cuser,
Gaulois ærain, signe croissant de Lune.

VII,26
Fustes galeres autour de sept navires,
Sera livree une mortelle guerre,
Chef de Madrid recevra coup de vires,
Deux eschapees, & cinq menees a terre.

VII,27
Au cainct de Vast la grande cavalerie,
Proche a Ferrage empeschee au bagage,
Prompt a Turin feront tel volerie,
Que dans le fort raviront leur hostage.

VII,28
Le capitaine conduira grande proye
Sur la montaigne des ennemis plus proche:
Environné, par le feu fera telle voye
Tous eschappez, or trente mis en broche.

VII,29
Le grand Duc d´Albe se viendra rebeller,
A ses grands peres fera le tradiment :
Le grand de Guise le viendra debeller,
Captif mené & dressé monument.

VII,30
Le sac s´approche, feu, grand sang epandu,
Po, grand fleuves, aux bouvier l´entreprinse
De Gennes, Nice apres lons attendu,
Foussan, Turin, a Sauillan la prinse.

VII,31
De Languedoc, & Guienne plus de dix
Mille voudront les Alpes repasser :
Grans Allobroges marcher contre Brundis,
Aquin & Bresse les viendront recasser.

VII,32
Du mont Royal naistra d´une casane,
Qui cave & compte viendra tyranniser,
Dresser copie de la marche Millanne,
Fauence, Florence d´or & gens espuiser.

VII,33
Par fraude regne, force expolier,
La classe obesse, passage a l´espie,
Deux saincts amis se viendront r´allier,
Esveiller hayne de longtemps assoupie.

VII,34
En grand regret sera la gent gauloise,
Coeur vain, leger croira temerité :
Pain, sel, ne vin, eau, venin ne cervoise,
Plus grand captif, faim, froid, necessité.

VII,35
La grande pesche viendra plaindre, plorer,
D´avoir esleu, trompez seront en l´aage :
Guiere avec eux ne voudra demeurer,
Deceu sera par ceux de son langage.

VII,36
Dieu, le Ciel, tout le divin verbe a l´onde,
Porté par rouges sept razes a Bisance,
Contre les oingts trois cens de Trebisconde
Deux lois mettront, & horreur, puis credence.

VII,37
Dix envoyez, chef de nef mettre a mort,
D´un adverty, en classe guerre ouverte,
Confusion chef, l´un se picque & mord,
Leryn, Stecades nefs, cap dedans la nerte.

VII,38
L´aisné Royal sur coursier voltigeant,
Picquer viendra, si rudement courir,
Gueulle, lipee, pied dans l´estrein pleignant,
Trainé, tiré, horriblement mourir.

VII,39
Le conducteur de l´armée Françoise,
Cuidant perdre le principal phalange,
Par sur pavé de l´avaigne & d´ardoise,
Soy parfondra par Gennes gent estrange.

VII,40
Dedans tonneaux hors oingts d´huile & greffe
Seront vingt un devant le port fermez,
Au second guet par mort feront proüesse,
Gaignez les portes, & du guet assommez,

VII,41
Les os des pieds et des mains ensserez,
Par bruit maison long temps inhabitee,
Seront par songes concavant deterrez,
Maison salubre & sans bruit habitee.

VII,42
Deux de poison saisis nouveaux venus,
Dans la cuisine du grand Prince verser,
Par le soüillard tous deux au faict cogneus,
Prins qui cuidoit de mort l´ainé vexer.