Accueil du forum >> Nostradamus Centurie VIII

supplement le 26-02-05 14h12

Centurie VIII

Autres quatrains cy devant impriméz soubz la centurie huictiesme.

VIII,1
Seront confus plusieurs de leur attente,
Aux habitants ne sera pardonné,
Qui bien pensoient perseverer l'attente
Mais grand loisir ne leur sera donné.

VIII,2
Plusieurs viendront, & parleront de paix
Entre Monarques & seigneurs bien puissans,
Mais ne sera accordé de si pres,
Que ne rendent plus qu'aux autres obeissants.

VIII,3
Las quelle fureur, helas quelle pitié
Il y aura entre beaucoup de gens
On ne vit onc une telle amitié,
Qu'auront les loups a courir diligens.

VIII,4
Beaucoup de gens voudront parlementer,
Aux grands seigneurs qui leur feront la guerre,
On ne voudra en rien les escouter,
Hélas! si Dieu n'envoie paix en terre.

VIII,5
Plusieurs secours viendront de tous costez
De gens lointains qui voudront resister,
Ils seront tout a coup bien hatez,
Mais ne pouront pour ceste heure assister.

VIII,6
Las quel desir ont Princes estrangers,
Garde toy bien qu'en ton pays ne vienne
Il y auroit de terribles dangers
En maints contrées, mesme en la Vienne.

centurie8 le 26-02-05 00h08

VERSETS CENTURIE VIII

VIII,1
Pau, Nay, Loron plus feu qu´a san sera,
Laude nager, fuir grand aux surrez :
Les agassas entree refusera,
Pampon, Durance les tiendra enserrez

VIII,2
Condon & Aux & autour de Mirande
Ie vois au ciel feu qui les environne :
Sol Mars conioint au Lyon, puis Marmande
Foudre, grand gresle, mur tombe dans la Garonne.

VIII,3
Au fort chasteau de Vigilanne & Resviers,
Sera serré le puinay de Nancy :
Dedans Turin seront ards les premiers
Lors que de dueil Lyon sera transy.

VIII,4
Dedans Monech le Coq sera receu,
Par Cardinal de France apparoistra
Par Legation Romain sera deceu
Foiblesse a l´Aigle, & force au Coq naistra.

VIII,5
Apparoistra temple luisant orné,
La lampe & cierge a Borne & Bretueil.
Pour la Lucerne le canton destroné,
Quand on verra le grand Coq au cercueil,

VIII,6
Clarté fulgure a Lyon apparante
Luysant, print Malte, subit sera estainte :
Sardon, Mauris traitera decevante,
Geneve a Londre a Coq trahison fainte.

VIII,7
Verceil, Milan donra intelligence
Dedans Tycin sera faite la playe.
Courir par Seine eau, sang, feu par Florence,
Unique cheoir d´hault en bas faisant maye.

VIII,8
Pres de Linterne, dans des tonnes fermez,
Chiuaz fera pour l´Aigle la menee,
L´esleu cassé luy ses gens enfermez,
Dedans Turin rapt espouse emmenee.

VIII,9
Pendant que l´Aigle & le Coq a Savonne
Seront unis, Mer, Levant & Ongrie,
L´armee a Naples, Palerme, Marque d´Ancone
Rome, Venise par Barbe horrible crie.

VIII,10
Puanteur grande sortira de Lausanne,
Qu´on ne sçaura l´origine du fait :
Lon mettra hors toute le gent loingtaine
Feu veu au ciel, peuple estranger desfait

VIII,11
Peuple infiny paroistra a Vicence
Sans force, feu brusler la basilique :
Pres de Lunage desfait grand de Valence,
Lors que Venise par morte prendra pique.

VIII,12
Apparoistra aupres de Buffalore
L´haut & procere entré dedans Milan,
L´abbé de Foix avec ceux de Sainct Morre
Feront la forbe habillez en vilain.

VIII,13
Le croisé frere par amour effrenee
Fera par Praytus Bellorophon mourir,
Classe a mil ans la femme forcenee
Beu le breuvage, tous deux apres perir.

VIII,14
Le grand credit d´or & d´argent l´abondance
Fera aveugler par libide l´honneur
Sera cogneu d´adultere l´offence,
Qui parviendra a son grand deshonneur.

VIII,15
Vers Aquilon grands efforts par hommasse
Presque l´Europe & l´univers vexer,
Les deux eclyses mettra en telle chasse,
Et aux Pannons vie & mort renforcer.

VIII,16
Au lieu que Hieron fait sa nef fabriquer
Si grand deluge sera & si subite,
Qu´on n´aura lieu ni terres s´ataquer,
L´onde monter Fesulan Olympiques

VIII,17
Les bien aisez subit seront desmis,
Par les trois freres le monde mis en trouble :
Cité marine saisiront ennemis,
Faim, feu, sang, peste, & de tous maux le double.

VIII,18
De Flore issue de sa mort sera cause,
Un temps devant sa ieusne & vieille bueyere,
Par les trois lys luy feront telle pause
Par son fruity fauve comme chair crue mueyre.

VIII,19
A soustenir la grande cappe troublee,
Pour l´eclaircir les rouges marcheront,
De mort famille sera presque accablee,
Les rouges rouges le rouge assomeront.

VIII,20
Le faux message par election fainte
Courir par urben rompue pache arreste,
Voix acheptees, de sang chapelle tainte,
Et a un autre l´empire contraincte.

VIII,21
Au port de Agde trois fustes entreront
Portant l´infect, non foy, & pestilence,
Passant le pont mil milles embleront,
Et le pont rompre a tierce resistance.

VIII,22
Gorsan, Narbonne, par le sel advertir
Tucham, la grace Parpignan trahie,
La ville rouge n´y voudra consentir,
Par haute vol drap gris vie faillie.

VIII,23
Lettres trouvees de la Royne les coffres,
Point de subscrit sans aucun nom d´auteur :
Par la police seront cachez les offres,
Qu´on ne sçaura qui sera l´amateur.

VIII,24
Le lieutenant a l´entree de l´huys
Assomera le grand de Parpignan,
En se cuidant sauver a Montpertuis,
Sera deceu bastard de Lusignan.

VIII,25
Coeur de l´amant ouvert d´amour fertive
Dans le ruisseau fera ravir la Dame :
Le demy mal contrefera lassive,
Le pere a deux privera corps de l´ame.

VIII,26
De Catones trouvez en Barcelonne,
Mys descouvers lieu terrouers & ruyne,
Le grand qui tient ne tient voudra Pamplonne,
Par l´Abbage de Montferrat bruyne.

VIII,27
La voye auxelle l´un sur l´autre fornix
Du muy de fer hors mis brave et genest,
L´escript d´Empereur le Phénix
Veu a celuy ce qu´a nul autre n´est.

VIII,28
Les simulacres d´or et d´argent enflez,
Qu´apres le rapt au feu furent ieuttez,
Au descouvert estaincts tous & troublez,
Au marbre escripts, prescripts inteiettez.

VIII,29
Au quart pillier l´on sacre a Saturne,
Par tremblant terre & deluge fendu
Soubs l´edifice Saturnin trouvee urne,
D´or Capion ravy & puis rendu.

VIII,30
Dedans Tholoze non loing de Beluzer,
Faisant un puys loing, palais d´espectacle
Thresor trouvé, un chacun ira vexer,
Et en deux locz tout & pres de l´usacle.

VIII,31
Premier grand fruit le Prince de Persquiere,
Mais puis viendra bien & cruel malin,
Dedans Venise perdra sa gloire fiere,
Et mis a mal par plus ioyce Celin.

VIII,32
Garde ton Roy Gaulois de ton nepveu,
Qui fera tant que ton unique fils
Sera meurtry a Vénus faisant voeu,
Accompagné de nuict que trois & six.


VIII,33
Le grand naistra de Veronne et Vicence,
Qui portera un surnom bien indigne :
Qui a Venise voudra faire vengeance,
Luy mesme prins homme du guet & signe.

VIII,34
Apres victoire du Lyon au Lyon
Sus la montagne de Iura Secatombe,
Delues & brodes septieme million,
Lyon, Ulme a Mausol mort & tombe.

VIII,35
Dedans l´entree de Garonne & Bayse,
Et la forest non loing de Damasan,
Du marsaves gelees, puis gresle & bize
Dordonnois gelle par erreur de Mezan.

VIII,36
Sera commis conte oindre a duché,
De Saulne & sainct Aulbin & Bel l´Oeuvre
Paver de marbre de tours loing espluche
Non Bleteran resister & chef d´oeuvre.

VIII,37
La forteresse aupres de la Tamise,
Cherra par lors, le Roy dedans serré,
Aupres du pont sera veu en chemise
Un devant mort, puis dans le fort barré.

VIII,38
Le Roy de Bloys en Avignon regner,
Une autre fois le peuple en monopole,
Dedans le Rosne par murs fera baigner
Iusques a cinq le dernier pres de Nolle.

VIII,39
Qu´aura esté par Prince Bizantin,
Sera tollu par Prince de Tholouse :
La foy de Foix par le chef Tholentin
Luy faillira, ne refusant l´espouse.

VIII,40
Le sang du Iuste par Taurer la daurade,
Pour se venger contre les Saturnins
Au nouveau lac plongeront la maynade,
Puis marcheront contre les Albanins.

VIII,41
Esleu sera Renard ne sonnant mot,
Faisant le saint public vivant pain d´orge
Syrannisera pres tant a un coq,
Mettant a pied des plus grands sur la gorge.

VIII,42
Par avarice, par force & violence
Viendra vexer les siens chefs d´Orleans,
Pres sainct Memire assault & resistance,
Mort dans sa tente diront qu´il dort leans.

VIII,43
Par le decide de deux choses bastards,
Nepveu du sang occupera le regne,
Dedans lectoyre seront les coups de dards,
Neveu par pleur pliera l´enseigne.

VIII,44
Le procrée naturel dogmion,
De sept a neuf du chemin déstorner
Au roy de longue & amy aumy hom,
Doit a Navarre fort de Pau prosterner.

VIII,45
La main escharpe & la iambe bandee,
Longs puis nay de Calais portera,
Au mot du guet la mort sera tardee,
Puis dans le temple a Pasques saignera.

VIII,46
Pol mensolee mourra trois lieües du Rosne,
Fuis les deux prochains tarasc destrois :
Car Mars fera le plus horrible trosne,
De Coq & d´Aigle de France freres trois.

VIII,47
Lac Trasmenien portera tesmoignage,
Des coniurez sarez dedans Perouse,
Un despolle contrefera le sage,
Tuant Tedesq de sterne & minuse.

VIII,48
Saturne en Cancer, Jupiter avec Mars,
Dedans Fevrier Caldondon salvaterre:
Sault Castallon assailly de trois pars,
Pres de Verbiesque conflit mortelle guerre.

VIII,49
Satur au boeuf Ioue en l´eau, Mars en fleiche,
Six de Février mortalité donra,
Ceux de Tardaigne a Bruge si grand breche
Qu´a Ponteroso chef Barbarin mourra.

VIII,50
La pestilence l´entour de Capadille,
Une autre faim pres de Sagon s´apreste :
Le chevalier bastard de bon senille,
Au grand de Thunes fera trancher la teste.

VIII,51
Le Bizantin faisant oblation,
Apres avoir Cordube a foy reprinse : Son chemin long repos pamplation,
Mer passant proy par la Colongna prinse.

VIII,52
Le Roy de Bloys dans l´Avignon regner,
D´Amboise & seme viendra le long de Lyndre
Ongle a Poytiers sainctes ailes ruiner
Devant boni... (vers incomplet)

VIII,53
Dedans Bolongne voudra laver ses fautes,
Il ne pourra au temple du Soleil,
Il volera faisant choses si haultes,
En hierarchie n´en fut oncq un pareil.

VIII,54
Soubs la couleur du traicte mariage,
Fait magnanime par grand Chyren selin,
Quintin, Arras recouvrez au voyage,
D´Espagnols faict second banc macelin

VIII,55
Entre deux fleuves se verra enserré,
Tonneaux & caques unis a passer outre,
Huict ponts rompus chef a tant enserré,
Enfants parfaicts sont iugulez en coultre.

VIII,56
La bande foible de terre occupera
Ceux du hault lieu feront horribles cris,
Le gros troupeau d´estre coin troublera,
Tombe pres D. nebro descouvers les escris.

VIII,57
De soldat simple parviendra en empire,
De robe courte parviendra a la longue
Vaillant aux armes en eglise ou plus pyre,
Vexer les prestres comme l´eau fait l´esponge.

VIII,58
Regne en querelle aux freres divisé,
Prendre les armes & le nom Britannique
Tistre Anglican sera tard divisé,
Surprins de nuict mener a l´air Gallique.

VIII,59
Par deux fois hault, par deux fois mis a bas
L´Orient aussi l´Occident foiblira
Son adversaire apres plusieurs combats,
Par mer chassé au besoing faillira.

VIII,60
Premier en Gaule, premier en Romanie,
Par mer & terre aux Angloys & Paris
Merveilleux faits par celle grand mesnie
Violant terax perdra le Norlaris.

VIII,61
Iamais par le decouvrement du iour
Ne parviendra au signe sceptrifere
Que tous les sieges ne soient au seiour,
Portant au Coq don du TAO armifere.

VIII,62
Lors qu´on verra expiler le saint temple,
Plus grand du Rhosne leurs sacrez prophaner
Par eux naistra pestilence si ample
Roy fuit iniuste ne fera condamner.

VIII,63 Quand l´adultere blessé sans coup Meurdry la femme & le fils par despit, Femme assoumee l´enfant estranglera : Huict captifs prins, s´estouffler sans repit.

VIII,64
Dedans les Iles les enfants transportez,
Les deux de sept seront en desespoir,
Ceux du terroüer en seront supportez,
Nom pelle prins des ligues fuy l´espoir.

VIII,65
Le vieux frustré du principal espoir,
Il parviendra au chef de son empire :
Vingt mois tiendra le regne a grand pouvoir,
Tiran, cruel en delaissant un pire.

VIII,66
Quand l´escriture D.M. trouvee,
Et cave antique a lampe descouverte,
Loy, Roy & Prince Ulpian esprouvee,
Pavillon Royne & Duc sous la couverte.

VIII,67
Par Car. Nersaf, a ruine grand discorde,
Ne l´un ne l´autre n´aura election
Nersaf du peuple aura amour & concorde,
Ferrare, Colonne grande protection.

VIII,68
Vieux Cardinal par le ieune deceu,
Hors de sa charge se verra désarmé,
Arles ne monstres, double soit aperceu,
Et liqueduct et le Prince embausmé.

VIII,69
Aupres du jeune le vieux ange baisser,
Et le viendra surmonter a la fin:
Dix ans egaux au plus vieux rabaisser,
De trois a deux l´un huictieme Seraphin.

VIII,70
Il entrera vilain, meschant infame
Tyrannisant la Mésopotamie
Tous amis fait d´adulterine dame,
Terre horrible noir de phisionomie.

VIII,71
Croistra le nombre si grand des astronomes,
Chassez, bannis & livres censurez,
L´an mil six cens & sept par sacre glomes
Que nul aux sacres ne seront asseurez.

VIII,72
Champ Perusin ô l´enorme desfaite
Et le conflit tout aupres de Ravenne,
Passage sacré lors qu´on fera la feste,
Vainqueur vaincu cheval manger l´avenne.

VIII,73
Soldat Barbare le grand Roy frappera,
Iniustement non eslongné de mort
L´avare mere du fait cause sera
Coniurateur & regne en grand remort.

VIII,74
En terre neusve bien avant Roy entré,
Pendant subjets lui viendront faire accueil,
Sa perfidie aura tel rencontré
Qu´aux citadins lieu de feste & recueil.

VIII,75
Le pere & fils seront meurdris ensemble
Le persecteur dedans son pavillon
La mere a Tours du fils ventre aura enfle,
Cache verdure de feuilles papillon.

VIII,76
Plus Macelin que Roy en Angleterre
Lieu obscur nay par force aura l´empire :
Lasche sans foy sans loy saignera terre,
Son temps s´aproche si pres que ie souspire.

VIII,77
L´antéchrist trois bien tost annichilez
Vingt & sept ans sang durera sa guerre,
Les heretiques morts, captifs exilez,
Sang corps humain eau rogie gresler terre.

VIII,78
Un Braganas avec la langue torte
Viendra des dieux le sanctuaire,
Aux heretiques il ouvrira la porte
En suscitant l´eglise militaire.

VIII,79
Qui par fer pere perdra nay de Nonnaire,
De Gorgon sur la sera sang perfectant
En terre estrange fera si tout de taire,
Qui bruslera luy mesme & son enfant.

VIII,80
Des inocens le sang de vefves & vierge
Tant de maux faits par moyen se grand Roge,
Saincts simulachres trempez en ardent cierge,
De frayeur crainte ne verra nul ne boge

VIII,81
Le neuf empire en desolation,
Sera changé du pole aquilonaire,
De la Sicile viendra l´esmostion
Troubler l´emprise a Philip tributaire.

VIII,82
Ronge long, sec faisant du bon valet,
A la parfin n´aura que son congie,
Poignant poyson, & lettres au collet
Sera saisi eschappé en dangie.

VIII,83
Le plus grand voile hors du port de Zara,
Pres de Bisance fera son entreprinse,
D´ennemy perte & l´amy ne sera
Le tiers a deux fera grande pille & prinse.

VIII,84
Paterne orra de la Sicile crie,
Tous les aprests du goulphre de Trieste,
Qui s´entendra jusqu´a la Trinacrie,
De tant de voiles fuy, fuy l´horrible peste.

VIII,85
Entre Bayonne & a sainct Iean de Lux
Sera posé de Mars la promontoire
Aux Hanix d´Aquilon Nanar hostera lux
Puis suffoqué au lict sans adiutoire.

VIII,86
Par Arnani Tholoser Ville Franque,
Bande infinie par le mont Adrian,
Passe riviere, Hutin par pont la planque
Bayonne entrer tous Bichoro criant.

VIII,87
Mort conspiree viendra en plein effect,
Charge donnee & voyage de mort
Esleu, crée, receu par siens deffait.
Sang d´innocence devant foy par remort.

VIII, 88
Dans la Sardaigne un noble Roy viendra,
Qui ne tiendra que trois ans le Royaume,
Plusieurs couleurs avec soit conjoindra,
Luy mesme apres soin sommeil marrit scome.

VIII,89
Pour ne tomber entre les mains de son oncle,
Qui ses enfants par regner trucidez,
Orant au peuple mettant pied sur Peloncle,
Mort & traisné entre chevaux bardez.

VIII,90
Quand des croisez un trouvé de sens trouble
En lieu du sacre verra un boeuf cornu
Par vierge porc son lieu lors serra comble,
Par Roy plus ordre ne sera soustenu.

VIII,91
Frymy les champs des Rodanes entrees
Ou les croysez seront presques unis,
Les deux braisieres en pisees rencontrees
Et un grand nombre par deluge punis.

VIII,92
Loing hors du regne mis en hasard voyage
Grand ost duyra pour soy l´occupera,
Le Roy tiendra les siens captifs ostage
A son retour tout pays pillera.

VIII,93
Sept mois sans plus obtiendra prelature
Par son decez grand scisme fera naistre :
Sept mois tiendra un autre la preture,
Pres de Venise paix union renaistre.

VIII,94
Devant le lac où plus cher fut getté
De sept mois, & son ost desconfit
Seront Hyspans par Albannois gastez,
Par delay perte en donnant le conflict.

VIII,95
Le séducteur sera mis a la fosse,
Et estaché iusques a quelques temps,
Le clerc uny le chef avec sa crosse
Pycante droite attraira les contens.

VIII,96
La Synagogue sterile sans nul fruit
Sera receuë entre les infideles :
De Babylon la fille du poursuit,
Misere & triste lui trenchera les aisles.

VIII,97
Aux fins du Var changer le Pompotans,
Pres du rivage les trois beaux enfans naistre,
Ruyne au peuple par aage competans
Regne au pays changer plus voir croistre.

VIII,98
Des gens d´Eglise sang sera espanché,
Comme de l´eau en si grande abondance
Et d´un long temps ne sera restanché
Ve ve au clerc ruyne & doleance.

VIII,99
Par la puissance des trois Rois temporels,
En autre lieu sera mis le sainct Siege :
Où la substance de l´esprit corporel,
Sera remis & receu pour vray siege.

VIII,100
Pour l´abondance de l´arme respandue
Du hault en bas par le bas au plus hault
Trop grande foy par ieu vie perdue,
De soif mourir par habondant deffault.