Accueil du forum >> Nostradamus Presages 1559

1559 le 26-02-05 14h45

Sur ladite année

P, 34
Peur, glas, grand pille, passer mer, croistre regne.
Sectes, Sacrez outre mer plus polis,
Peste, chaut, feu. Roy d´Aquilon l´enseigne.
Dresser trophée, cité d´Henripolis.

P, 35 Ianvier
Plus le Grand n´estre, pluye au char de cristal.
Tumulte esmeu de tous bien abondance.
Rasez, Sacrez, neufs, vieux espouvantal.
Esleu ingrat, mort, plaint, ioye, alliance.

P, 36 Fevrier
Grain corrompu, air pestilent, locustes.
Subit cherra, noue nouvelle naistre.
Captifs ferrez, legers, haut bas, onustes,
Par ses os mal qu´a Roy n´a voulu estre.

P, 37 Mars
Saisis au temple, par sectes longue brigue
Esleu ravi, au bois forme querelle.
Septante par naistre nouvelle ligue.
De la leur mort. Roy appaisé, nouvelle.

P, 38 Avril
Roy salué Victeur, Imperateur,
La foy faussée, le Royal fait cogneu,
Sang Mathien, Roy fait superateur,
De gent superbe, humble par pleurs venu.

P, 39 May
Par le despit nopces, epithalame.
Par les trois parts Rouges, Rasez partis,
Au ieune noir remis par flamme l´ame,
Au grand Neptune Ogmius convertis.

P, 40 Iuin
De maison sept par mort mortelle suite.
Gresle tempeste, pestilent mal, fureurs.
Roy d´Orient, d´Occident tous en fuite
Subiuguera ses iadis conquereurs.

P, 41 Iuillet
Predons pillez, chaleur, grand seicheresse :
Par trop non estre, cas non veu, inouy.
A l´estranger la trop grande caresse.
Neuf pays Roy l´Orient esblouy.

P, 42 Aout
L´Urne trouvée, la cité tributaire.
Champs divisez, nouvelle tromperie.
L´Hispan blessé, faim, peste militaire.
Moq. obstiné, confus, mal, resverie.

P, 43 Septembre
Vierges et veuves, vostre bon temps s´aproche.
Point ne sera ce que l´on pretendra.
Loin s´en faudra que soit nouvelle approche.
Bien aisez pris, bien remis, pis tiendra.

P, 44 Octobre
Icy dedans se parachevera.
Les 3. Grands hors de Bon-Bourg sera loin,
Encontre deux l´un d´eux conspirera.
Au bout du mois on verra le besoin.

P, 45 Novembre
Propos tenus nopces recommencées.
La Grande Grande sortira hors de France.
Voix a Romagne de crier non lassée.
Reçoit la paix par trop feinte asseurance.

P, 46 Décembre
De ioie en larme viendra captiver Mars.
Devant le Grand seront esmeus Divins :
Sans sonner mot entreront par trois pars.
Mars assoupi, dessus glas troutent vins.