Accueil du forum >> Nostradamus Presages 1560

1560 le 26-02-05 14h47

P, 47 Ianvier
Iournée, dicte, interim, ne concile,
L´an paix prepare, peste, faim, schismatique.
Mis hors dedans changer Ciel, domicile,
Fin du congé, révolte hierarchique.

P, 48 Février
Rompre diete, l´antiq sacré ravoir
Dessous les deux, feu par pardon s´ensuivre.
Hors d´armes Sacre long rouge voudra avoir.
Paix du neglect. l´Esleu de veuve vivre.

P, 49 Mars
Fera paroir esleu de nouveauté
Lieu de iournée sortir hors des limites.
La bonté feinte de changer cruauté.
Du lieu suspect sortiront trestous vistes.

P, 50 Avril
Du lieu esleu Razes n´estre contens :
Du lac Léman conduite non prouvée,
Renouveler on fera le vieil temps.
Espeüillera la trame tant couvée.

P, 51 Mai
Pache Allobrox sera interrompu.
Derniere main fera forte levée.
Grand coniuré ne sera corrompu.
Et la nouvelle alliance approuvée.

P, 52 Iuillet
Longue crinite leser le Gouverneur,
Faim, fievre ardante, feu & de sang fumee,
A tous estats ioviaux grand honneur,
Seddition par razes allumée.

P, 53 Aout
Peste, faim, feu & ardeur non cessee.
Foudre, grand gresle, temple du ciel frapé.
L´Edict, Arrest, & grieve loy cassee.
Chef inventeur ses gens & lui hapé.

P, 54 Septembre
Privez seront Razes de leur harnois :
Augmentera leur plus grande querelle.
Pere Liber deceu fulg. Albanois.
Seront rongées sectes a la moelle.

P, 55 Octobre
Sera recuë la requeste decente.
Seront chassez & puis remis au sus.
La Grande Grande se trouvera contente.
Aveugles et sourds seront mis au dessus.

P, 56 Novembre
Ne sera mis, les nouveaux dechassez,
Noir & de Loin & le Grand tiendra fort.
Recourir armes. Exilez plus chassez.
Chanter victoire, non libre reconfort.

P, 57 Décembre
Les deuils laissez, supremes alliances.
Razes Grand mort, refus fait a l´entrée :
De retour estre, bien fait en oubliance.
La mort du iuste a banquet perpetrée.