Accueil du forum >> Nostradamus Presages 1561

1561 le 26-02-05 14h48

Sur ladite année

P, 58
Le Roy n´estre, du Doux la pernicie
L´an pestilent, les esmeus nubileux.
Tien qui tiendra, des grands non leticie.
Et passera terme de cavilleux.

P, 59 Mars
Au pied du mur le cendré cordigere,
L´enclos liuré foulant cavalerie.
Du temple hors Mars & le Falcigere
Hors mis, demis. & sus la resverie.

P, 60 Avril
Le temps purgé, pestilente tempeste.
Barbare insult. fureur, invasion.
Maux infinis par ce mois nous appreste
Et les Grands, deux moins, d´irrision.

P, 61 May
Ioye non longue, abandonné des siens.
L´an pestilent le Grand assailli.
La Dame bonne aux champs Elysiens.
Et la plus part des biens froids non cueilly:

P, 62 Iuin
Courses de Loin, ne s´apprester conflicts.
Triste entreprise, l´air pestilent, hideux.
De toutes parts les Grands seront afflicts.
Et dix & sept assailliront vint & deux.

P, 63 Iuillet
Repris, rendu, espouvanté du mal,
Le sang par bas, & les faces hideuses.
Aux plus sçavans l´ignare espouvantal :
Perte, haine, horreur, tomber bas la piteuse.

P, 64 Aout
Mort & saisi des nonchalans le change
S´eslongnera en s´approchant plus fort.
Serrez unis en la ruine, grange.
Par secours long estonné le plus fort.

P, 65 Octobre
Gris, blancs & noirs, enfumez & froquez,
Seront remis, demis, mis en leur sieges,
Les ravasseurs se trouveront mocquez :
Et les Vestales serrées en forte rieges.