Accueil du forum >> Nostradamus Presages 1564

1564 le 26-02-05 14h51

Sur ladite année.

P, 92
L´an sextil pluyes, froment abonder, haines.
Aux hommes ioye. Prince, Rois en divorce,
Troupeau périr, mutations humaines.
Peuple affoulé: & poison sous l´escorce.

P, 93 Ianvier
Temps fort divers, discorde descouverte.
Conseil belliq. changement pris, changé.
La Grande n´estre, coniurez par eau perte.
Grand simulté, tous au plus Grand rangé.

P, 94 Février
Deluge grand, bruit de mort conspirée.
Renoüé siecle, trois Grands en grand discord.
Par boutefeux la concorde empirée.
Pluye empeschant, conseils malin d´accord.

P, 95 Mars
Entre Rois haines on verra apparoistre,
Dissensions & Guerres commencer.
Grands Changement, nouveau tumulte croistre
l´ordre plebée on viendra offenser.

P, 96 Avril
Secret coniur. conspirer populaire.
La découverte en machine esmouvoir.
Contre les Grands (vers incomplet)
Puis trucidée & mise sans pouvoir.

P, 97 Mai
Temps inconstant, fievres, peste, langueurs,
Guerres debats, temps desolé sans feindre.
Submersions, Prince a mineurs rigueurs.
Felices Rois et Grands, autre mort a craindre.

P, 98 Iuin
Du lieu feu mis la peste & fuite naistre.
Temps variant, vent, la mort de trois Grands :
Du Ciel grands foudres estat des Razes paistre.
Vieil pres de mort, bois peu dedans vergans.

P, 99 Iuillet
En peril monde & Rois feliciter,
Razes esmeu, par conseil ce qu´estoit.
L´Eglise Rois pour eux peuple irriter.
Un monstrera apres ce qu´il n´estoit.

P, 100 Aout
Deluge prés. Peste noire boue, neuve
Secte flechir, aux hommes ioye vaine.
De loy sans loy, mis au devant pour preuve,
Apast, embusche : desceux couper veine.

P, 101 Septembre
Tout inonder, a la Razée perte.
Vol de mur, mort, de tous biens abondance.
Eschapera par manteau decouverte.
Des neufs & vieux sera tournée chance.

P, 102 Octobre
La bouche & gorge en fervides pustules,
De sept Grands cinq-toux distillante nuire.
Pluye si longue, a non mort tourment bulles.
Le grand mourir, qui trestous faisoit luire.

P, 103 Novembre
Par bruit de feu Grands & Vieux defaillir.
Peste assoupie, une plus grande naitre,
Peste de l´Ara, foin caché, peu cueillir.
Mourir troupeau fertil, ioye hors prestre.

P, 104 Decembre
Alegre point, douce fureur au Sacre.
Enflez trois quatre & au costé mourir.
Voye defaillir, n´estre a demy au sacre :
Par sept & par quinte courir.