Accueil du forum >> Nostradamus Presages 1566

1566 le 26-02-05 14h53

Sur ladite année.

P, 118
Aux plus grands morts iacture d´honneur & violence.
Professeurs de la foy, leur estat & leur secte
Aux deux grandes Eglises divers bruit decadence
Maux,voisins querellans, serfs d´Eglise sans teste.

P, 119 Ianvier
Perte, iacture grande, & non sans violence
Tous ceux de la foy, plus a religion.
Les plus Grands perdront leur vie, leur honneur & chevance
Toute les deux Eglises, la coulpe a leur faction.

P, 120 Fevrier
A deux fort Grandes naistre perte pernicieuse.
Les plus Grands feront perte, biens, d´honneur & vie.
Tant grands bruits couriront, l´urne trop odieuse
Grands maladies estre, presche, messe envie.

P, 121 Mars
Les servants des Eglises leurs Seigneurs trahiront.
D´autres Seig. aussi par l´indivis des champs.
Voisins de presche & messe entr´eux querelleront.
Rumeurs, bruits augmenter, a mort plusieurs couchans.

P, 122 Avril
De tous biens abondance terre nous produira.
Nul bruit de guerre en France, hors mis seditions
Homicides, voleurs par voye on trouvera.
Peu de foy, fievre ardente, peuple en emotion.

P, 123 May
Entre peuple discorde, inimitié brutale.
Guerre mort de grands Princes plusieurs par d´Italie
Universelle plaie, plus forte occidentale
Tempore bonne & pleine, mais fort seiche et tarie.

P, 124 Iuin
Les bleds trop n´abonder, de tout autre fruit force.
L´esté, printemps humides, hiver long, neige, glace,
En armes l´Orient, la France se renforce.
Mort de bestail prou miel, aux assiegez la place.

P, 125 Iuillet
Par pestilence & feu fruits d´arbres periront
Signes d´huile abonder, pere Denys non gueres
Des grands mourir, mais peu d´etrangers sailliront.
Insult marin Barbare, & dangers de frontieres.

P, 126 Aoust
Pluyes fort excessives, & de biens abondance.
De bestail pris iuste etre, femmes hors de danger
Gresles, pluyes, tonnerres : peuple abatu en France
Par mort travailleront, mort peuple corriger.

P, 127 Septembre
Armes, playes cesser, mort de seditieux.
Le pere Liber grand non trop abondera.
Malins seront saisis par les plus malicieux.
France plus que iamais victrix triomphera.

P, 128 Octobre
Iusqu´a ce mois durer la secheresse grande
A l´Itale & Provence, des fruits tous a demi.
Le Grand moins d´ennemis, prisonnier de leur bande.
Aux escumeurs pirates, & mourir l´ennemi.

P, 129 Novembre
L´ennemi tant a craindre retiré en Thracie,
Laissant cris, hurlemens & pille desolée.
Laisser bruit mer & terre, religion nutrie.
Ioviaux mis en route, toute secte assoulée.