Accueil du forum >> Nostradamus Presages 1567

1567 le 26-02-05 15h04

Sur ladicte annee.

Mort, maladie aux ieunes femmes, rhumes,
De teste aux yeux mal heur marchâds de terre:
De mer infaust. semes mal. vin par brumes,
Prou huile trop de pluye. aux fruits moleste. guerre.

CXXXI. Ianuier.
Prisons, secrets: ennuis. entre proches discorde,
La vie on donnera. par mal diuers catarrhes:
La mort s'en ensuiura. poison fera concorde,
Frayeur, poeur, crainte grande. voyageant lairra d'arres.

CXXXII. Feburier.
Prisons par ennemis occults & manifestes,
Voyage ne tiendra. inimitié mortelle:
L'amour trois, simultez secret publiques festes,
Le rompu ruine. l'eauë rompra la querelle.

CXXXIII. Mars.
Les ennemis publics, nopces & mariages,
La mort aprés. l'enrichi par les morts:
Les grands amis se monstrer au passage,
Deux sectes iargôner. de surpris tards remords.

CXXXIV. Auril.
Par grandes maladies, religion fachée,
Par les enfans & legats d'Ambassade:
Don donné a indigne. nouulle loy laschée,
Biens de vieux peres. Roy en bonne contrade.

CXXXV. May.
Du pere au fils s'approche: Magistrats dits seuere,
Les grandes nopces. ennemis garbelans:
De latens mis auant. par la foy d'improperes,
Les bons amis & femes contre tels groumelâs

CXXXVI. Iuin.
Par le thresor, trouué l'heritage du pere:
Les Roys & Magistrats, les nopces, ennemis:
Le public mal-vueillant, les Iuges & le Maire,
La mort, poeur & frayeur. & trois Grands a mort mis.

CXXXVII. Iuillet.
Encor la mort s'approche. don Royal & legat,
On dressera ce qu'est, par viellesse en ruine:
Les Ieunes hoirs de soupçon nul legat,
Tresor trouué en plastres & cuisine.

CXXXVIII. Aoust.
Les Ennemis secrets seront emprisonnez,
Les Rois & Magistrats y tiendrôt la main seure:
La vie de plusieurs. santé maladie yeux, nez,
Les deux grands s'en iront bien loin a la male heure.

CXXXIX. Septembre.
Longues langueurs de teste nopce, ennemi,
Par Prelat & voyage. songe du Grand terreur:
Feu & ruine grande trouué en lieu oblique,
Par torrent decouuert sortir noues erreurs.

CXL. Octobre.
Les Rois & Magistrats par les morts la main mettre,
Ieunes filles malades, & des Grâds corps enfle:
Tout par langeurs & nopces. ennemis serfz au maistre.
Les publiques douleurs. le Côposeur tout enfle.

CXLI. Nouembre.
Du retour d'Ambassade. dô de Roy. mis au lieu
Plus n'en fera: sera allé a DIEV:
Parans plus proches, amis, freres du sang,
Trouué tout mort prés du lict & du banc.